Fjórða Norræna Brjóstagjafaráðstefnan var haldin á Grand hóteli í Reykjavík dagana 31.mai -1.júní 2011. Ráðstefnan er haldin annað hvert ár á Norðurlöndunum og er þetta fyrsta skipti sem hún var haldin á Íslandi. Félag brjóstagjafaráðgjafa á Íslandi var í forsvari fyrir ráðstefnunni og fengu til liðs við sig samstarfsaðila frá Heilsugæslu höfuðborgarsvæðisins , Landlæknisembættinu og Hjúkrunarfræðideild Háskóla Íslands.

Þetta var frekar fámennur undirbúningshópur sem hafði litla reynslu af að skipuleggja slíka alþjóða ráðstefnu og því var ákveðið að fá ráðstefnufyrirtækið Íslandsmót til samstarfs. Það samstarf reyndist undirbúningsnefndinni og ráðstefnunni afskaplega vel og allt gekk upp eins og best verður á kosið. Starfsfólk Íslandsmóta og þá sérstaklega Katín Guðmundsóttir sem var tengiliður Íslandmóta við undirbúningsnefndina vann óeigingjarnt starf. Ráðstefnan var vel sótt en þátttakendur voru um 200, þar af 70 erlendir. Flestir fyrirlesarar voru erlendir og komu frá Norðurlöndunum, Skotlandi og Bandaríkjunum sem þýddi mikil erlend samskipti.
Fjórða Norræna Brjóstagjafaráðstefnan 2011 heppnaðist fullkomlega. Allir þátttakendur, fyrirlesarar og undirbúningsnefndin voru mjög ánægðir með ráðstefnunna og átti Íslandsmót stóran þátt í að allt gekk svona vel. Þökkum við þeim fyrir framúrskarandi gott starf, viðhorf þeirra, persónulegt viðmót og fagmennsku.

 Ég gef Íslandsmótum mín bestu meðmæli.

Jóna Margrét Jónsdóttir, hjúkrunarfræðingur og brjóstagjafaráðgjafi fyrir hönd undirbúningsnefndar og Félag brjóstagjafaráðgjafa á Íslandi

Fyrir hönd Krabbameinsfélags Íslands vil ég þakka frábæran undirbúning og verkefnastýringu á Bleika boðinu 2011. Starfsmenn Íslandsmóta voru einstaklega hugmyndaríkir, skipulagðir,  metnaðarfullir  og jákvæðir. Því var virkilega gaman að vinna með þeim. Allur undirbúningur og samvinna var til fyrirmyndar. Boðið var sérlega vel heppnað og mikil ánægja meðal gesta, samstarfsaðila og annarra sem komu þar að. Boðið var haldið í Hörpunni og komu þar yfir þúsund konur saman og nutu kvöldstundar með tónlist, tískusýningum, dansi, fimleikaatriði, töframönnum og ýmsum öðrum skemmtiatriðum.

Í janúar 2010 hélt Microsoft Íslandi stærstu tækniráðstefnu sem haldin hefur verið á Íslandi.  Microsoft Íslandi fékk Íslandsmót ehf til þess að sjá um undirbúning og framkvæmd á ráðstefnunni.  Það er okkar mat að allur undirbúningur og samvinna var til fyrirmyndar.  Starfsmenn Íslandsmóta eru metnaðarfullir einstaklingar sem sýna mikla fagmennsku í störfum sínum.

            Guðrún Birna Jörgensen

            Markaðsstjóri

            Microsoft Íslandi